நீ கர்ப்பத்திலிருந்து வெளிப்படுமுன்னே நான் உன்னைப் பரிசுத்தம்பண்ணினேன். – எரேமியா 1:5
எது என்னை ஒருபோதும் ஆச்சரியத்தில் ஆழ்த்தாமல் இருந்ததில்லை என்பது உங்களுக்குத் தெரியுமா? இந்த பரந்துவிரிந்த பிரபஞ்சத்தில் ஒரு சிறிய மனுஷியாகிய என்னை - பிரபஞ்சத்தின் சிருஷ்டிகர் பார்க்கிறார் என்பதுதான்! உலக அரசியல் அல்லது உலகளாவிய திருச்சபை என பெரிய விஷயங்களில் மட்டும் ஆண்டவர் அக்கறையுள்ளவராய் இருப்பதில்லை: அவர் நமது தனிப்பட்ட வாழ்க்கை மீது அக்கறையுள்ளவராய் இருக்க விரும்புகிறார். இந்த வாரம் எரேமியா 29:11 -ஐப் படிக்கும்போது, இந்த உண்மை எனக்கு தெளிவாகத் தெரிகிறது: ஆண்டவர் தனிப்பட்ட கவனம் செலுத்துபவர். "நீங்கள் எதிர்பார்த்திருக்கும் முடிவை உங்களுக்குக் கொடுக்கும்படிக்கு நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர் சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே." (எரேமியா 29:11) நீங்கள் ஒருவரைப் பற்றி நன்கு அறிந்து, அவர்கள் மீது அக்கறைகொள்ளாவிட்டால் உங்களால் அவர்களுக்காகத் திட்டங்களை உருவாக்க முடியாது. அன்பரே, ஆண்டவர் உங்களை அறிந்திருக்கிறார் - உங்கள் ஆசைகள், லட்சியங்கள், கனவுகள், பயங்கள் ஆகியவற்றையும் மற்றும் உங்கள் தலையில் உள்ள முடிகளின் எண்ணிக்கையையும் கூட அவர் அறிந்திருக்கிறார்! (மத்தேயு 10:30) “நான் உன்னைத் தாயின் வயிற்றில் உருவாக்குமுன்னே உன்னை அறிந்தேன்; நீ கர்ப்பத்திலிருந்து வெளிப்படுமுன்னே நான் உன்னைப் பரிசுத்தம்பண்ணி, உன்னை ஜாதிகளுக்குத் தீர்க்கதரிசியாகக் கட்டளையிட்டேன்.” (எரேமியா 1:5) உங்களை உருவாக்கியவரை விட உங்களுக்காக சிறந்த திட்டங்களை வகுக்க யாரால் முடியும்? ஒருவராலும் முடியாது! அன்பரே, உங்கள் வாழ்க்கைக்கு ஆண்டவர் சிறந்த திட்டங்களை வைத்திருக்கிறார். அவை உங்கள் கற்பனைக்கு எட்டாத பெரிய திட்டங்கள்.
“என் நினைவுகள் உங்கள் நினைவுகள் அல்ல; உங்கள் வழிகள் என் வழிகளும் அல்லவென்று கர்த்தர் சொல்லுகிறார். பூமியைப்பார்க்கிலும் வானங்கள் எப்படி உயர்ந்திருக்கிறதோ, அப்படியே உங்கள் வழிகளைப்பார்க்கிலும் என் வழிகளும், உங்கள் நினைவுகளைப்பார்க்கிலும் என் நினைவுகளும் உயர்ந்திருக்கிறது.” (ஏசாயா 55:8-9) ஆண்டவருடைய திட்டங்களுக்கு உங்கள் வாழ்க்கையை நீங்கள் அர்ப்பணித்தால், அவர் உங்களை எங்கு அழைத்துச் செல்கிறார் என்பதைக் காணும்போது, நீங்கள் ஆச்சரியப்படுவீர்கள்! நாம் ஒன்றாக சேர்ந்து ஜெபிப்போம்: “பரலோகப் பிதாவே, என் திட்டங்கள் அனைத்தையும் உமது கரங்களில் அர்ப்பணித்து, என் வாழ்க்கைக்கான உமது மிகச்சரியான வடிவமைப்பின் மீது நம்பிக்கை வைக்கிறேன். பிரபஞ்சத்தின் சிருஷ்டிகரான நீர், உமது மனதில் என்னை வைத்திருப்பதற்கு நன்றி. இயேசுவின் நாமத்தில் ஜெபிக்கிறேன், ஆமென்.”
