எனது அற்புதமான புதிர் திறன்கள்

நான் செய்வது சுவாரஸ்யமானதாக இல்லாமல் இருக்கலாம், ஆனால் எனக்குப் பிடித்த ஓய்வு நேர பொழுதுபோக்குகளுள் ஒன்று, புதிர்களை (puzzles) சேர்ப்பது. 1000 துண்துகள் கொண்ட புதிரை சுமார் 5 மணி நேரத்தில் என்னால் முடிக்க முடியும் என்பதில் நான் பெருமை கொள்கிறேன்.

“யாவருக்கும் செலுத்தவேண்டிய கடமைகளைச் செலுத்துங்கள்; எவனுக்கு வரியைச் செலுத்துவேண்டியதோ அவனுக்கு வரியையும், எவனுக்குத் தீர்வையைச் செலுத்தவேண்டியதோ அவனுக்குத் தீர்வையையும் செலுத்துங்கள்; எவனுக்குப் பயப்படவேண்டியதோ அவனுக்குப் பயப்படுங்கள்; எவனைக் கனம்பண்ணவேண்டியதோ அவனைக் கனம்பண்ணுங்கள்”

என்று ரோமர் 13:7 இல் பவுல் நமக்குக் கற்பிக்கிறார்.

இருப்பினும், சில சமயங்களில், நாம் எந்த வகையிலும் தீர்க்க முடியாத அளவுக்கு மிகவும் சாத்தியமற்ற சூழ்நிலைகளில் தேவன் நம்மை வைக்கிறார்.

உதாரணமாக, 5 மணி நேரத்தில் (அல்லது 5 நாட்களில் கூட) ஒரு மில்லியன் துண்துகள் கொண்ட புதிரை சேர்த்து வைக்க நான் துப்பாக்கி முனையில் கட்டாயப்படுத்தப்பட்டால், என் சொந்த புதிர் சேர்க்கும் திறன்களை எல்லா வகையிலும் மிஞ்சும் ஒரு அற்புத, இயற்கைக்கு அப்பாற்பட்ட உதவியின் மூலமாக மட்டுமே என்னால் அதைச் செய்ய முடியும்.

“கர்த்தர் கிதியோனை நோக்கி: [..] அந்த முந்நூறுபேராலே நான் உங்களை இரட்சித்து, மீதியானியரை உன் கையில் ஒப்புக்கொடுப்பேன்.” (நியாயாதிபதிகள் 7:7-12).

கிதியோனும் ஒரு சிறந்த இராணுவத் தலைவராக இருக்கவில்லை. அவர் சொன்னார்:

“என் ஆண்டவரே, நான் இஸ்ரவேலை எதினாலே இரட்சிப்பேன்; இதோ, மனாசேயில் என் குடும்பம் மிகவும் எளியது; என் தகப்பன் வீட்டில் நான் எல்லாரிலும் சிறியவன் என்றான்.” – நியாயாதிபதிகள் 6:15 

தேவனுடைய பதில்? "நான் உன்னோடேகூட இருப்பேன்" (நியாயாதிபதிகள் 6:16) இது கிதியோனைப் பற்றியோ அல்லது அவர் படையைப் பற்றியோ அல்ல; இது தேவனைப் பற்றியது!

கிதியோனும் அவனது ஆட்களும் கடைசியில் தங்கள் எதிரிகளுக்கு எதிராக நின்றபோது, ​​அவர்கள் ஒரு கையில் தீவட்டியையும் மறு கையில் எக்காளத்தையும் வைத்திருந்தனர். அவர்கள் தங்கள் பட்டயங்களைக் கூட வைத்திருக்கவில்லை!

கிதியோன் இந்தச் சண்டையைச் சமாளிக்கத் தேவையான வலிமையுடன் அல்லது ஆயத்தத்துடன் இருக்க வேண்டும் என்று தேவன் ஒருபோதும் விரும்பவில்லை. இந்த வெற்றிக்கான எல்லா மகிமையையும் புகழையும் தானே பெற்றுக்கொள்வதே அவருடைய திட்டமாக இருந்தது:

“கர்த்தர் கிதியோனை நோக்கி: நான் மீதியானியரை உன்னோடிருக்கிற ஜனத்தின் கையில் ஒப்புக்கொடுக்கிறதற்கு அவர்கள் மிகுதியாயிருக்கிறார்கள்; என் கை என்னை இரட்சித்தது என்று இஸ்ரவேல் எனக்கு விரோதமாக வீம்பு பேசுகிறதற்கு இடமாகும்.” - நியாயாதிபதிகள் 7:2 

நம்மால் சமாளிக்க முடியாத அளவுக்குக் கடினமான சூழ்நிலைகளில் தேவன் நம்மை வைக்கலாம், ஏனென்றால் நம்மால் சமாளிக்க முடிந்தால், தேவனுடைய மகிமையை நாம் திருடத் தூண்டப்படுவோம்.

நீங்கள் ஒரு சாத்தியமற்ற சூழ்நிலையில் உங்களைக் கண்டால், தேவனிடம் சொல்லுங்கள், "இதிலிருந்து நீர் எப்படி என்னைக் காப்பாற்றப் போகிறீர் என்பதைக் காண நான் ஆவலுடன் காத்திருக்கிறேன். இந்தப் போர் உம்முடையது" என்று.