என்னை மீட்டருளும்!

இந்தியாவில் உயரமாக இருப்பதும், பொன்னிற முடி (blond) கொண்டிருப்பதும், சில சமயங்களில் தேவையற்ற கவனத்தை ஈர்க்கிறது.

கேம்ரன் மற்றும் நான் ஒரு ரகசிய சைகை வைத்துள்ளோம். நான் ஒரு சங்கடமான சூழ்நிலையில் சிக்கும்போது—உதாரணமாக, வற்புறுத்தும் விற்பனையாளர்களால் சூழப்பட்டிருந்தாலோ அல்லது மும்பையில் படம் எடுக்கக் கேட்டு சுற்றுலாப் பயணிகளால் சுற்றி வளைக்கப்பட்டாலோ—அவருடைய கவனத்தை ஈர்க்க நான் விசில் அடிப்பேன், அவர் என் உதவிக்கு வந்துவிடுவார். 🥰

சில சமயங்களில் நம் அனைவருக்கும் மீட்பு தேவைப்படுகிறது.

வல்லமைமிக்கும் போர்வீரனும், உண்மையுள்ள அரசனுமான தாவீதும் கூட, தன்னால் சமாளிக்க முடியாத சூழ்நிலைகளை எதிர்கொண்டார்.

“தண்ணீரைப் போல ஊற்றுண்டேன்; என் எலும்புகளெல்லாம் கட்டுவிட்டது, என் இருதயம் மெழுகுபோலாகி, என் குடல்களின் நடுவே உருகிற்று. என் பெலன் ஓட்டைப்போல் காய்ந்தது; என் நாவு மேல்வாயோடே ஒட்டிக் கொண்டது; என்னை மரணத் தூளிலே போடுகிறீர்” – சங்கீதம் 22:14-15

தாவீது பல கடுமையான சூழ்நிலைகளுள் ஒன்றில் இந்த வார்த்தைகளை எழுதியிருக்கலாம்:

• சவுலின் இராணுவத்திலுள்ள ஒவ்வொரு சிப்பாயையும் அச்சுறுத்திய, அவருடைய நிலைக்கு முற்றிலும் பொருத்தமற்ற, 10 அடி உயர ராட்சதனும், அனுபவமிக்க போர்வீரனுமான கோலியாத்தை அவர் தனிப்பட்ட முறையில் எதிர்கொண்டபோது. (1 சாமுவேல் 17).
• சவுலின் இராணுவத்தையும், துரோகிகளாக மாறக்கூடிய எவரையும் விட ஒரு படி முன்னே இருக்க முயற்சி செய்து, அவர் பல வருடங்களாகச் சவுலிடமிருந்து தன் உயிருக்குப் பயந்து ஓடினார் (1 சாமுவேல் 20-26).
• அப்சலோம் ராஜ்யத்தைக் கவிழ்க்க முயன்றதால், தன் சொந்த மகனிடமிருந்து ஓட வேண்டிய கட்டாயம் அவருக்கு ஏற்பட்டது (2 சாமுவேல் 15).

ஒவ்வொரு சூழ்நிலையிலும் தன்னைக் காப்பாற்ற, தாவீது தேவனை மட்டுமே நம்பினார், தேவன் எல்லா எதிரிகளிடமிருந்தும் சமாதானத்தைக் கொடுத்தபோது, ​​தாவீது எழுதினார்:

“உயரத்திலிருந்து அவர் கை நீட்டி, என்னைப் பிடித்து, ஜலப்பிரவாகத்திலிருக்கிற என்னைத் தூக்கிவிட்டார். என்னிலும் பலவான்களாயிருந்த என் பலத்த சத்துருவுக்கும் என் பகைஞருக்கும் என்னை விடுவித்தார். என் ஆபத்து நாளிலே எனக்கு எதிர்த்து வந்தார்கள்; கர்த்தரோ எனக்கு ஆதரவாயிருந்தார். என்மேல் அவர் பிரியமாயிருந்தபடியால், விசாலமான இடத்திலே என்னைக் கொண்டுவந்து, என்னைத் தப்புவித்தார்” – 2 சாமுவேல் 22:17-20.

நமக்குச் சமாளிக்க மிகவும் கடினமான சூழ்நிலைகளை தேவன் அனுமதிக்கலாம், ஏனென்றால் நமக்கு மீட்வு தேவைப்படும்போது மட்டுமே, நம்முடைய மீட்பராக தேவனை நாம் சந்திக்க முடியும்.

இன்று உங்களுக்கு மீட்பு தேவையா? தேவனை நோக்கி கூப்பிடுங்கள்!