நாம் முன்னோக்கிப் பார்க்க வேண்டுமா அல்லது திரும்பிப் பார்க்க வேண்டுமா?

டிசம்பர் வந்துவிட்டது! இந்த ஆண்டின் கடைசி மாதத்தில் நாம் இருக்கிறோம் என்பதை என்னால் நம்பவே முடியவில்லை. 😱

பெரும்பாலான மக்கள் டிசம்பர் மாதத்தை, வரவிருக்கும் ஆண்டை எதிர்நோக்கி, புத்தாண்டுக் கொண்டாட்டத் தீர்மானங்களை எடுக்கப் பயன்படுத்துகிறார்கள், ஆனால் நான் திரும்பிப் பார்ப்பதற்கும், இந்த ஆண்டு என்ன கற்றுக்கொடுத்தது அல்லது அது என்னை எவ்வாறு மாற்றியது என்று சிந்திப்பதற்கும் விரும்புகிறேன்.

அதனால்தான் இந்த வாரம், ஆண்டை சரியாக முடிப்பதற்குரிய 7 சிந்தனைகளைப் பார்ப்போம்.

'சிந்தனை' என்னும் வார்த்தையை இவ்வாறு வரையறுக்கலாம்:

ஒரு குறிப்பிட்ட விஷயத்தை ஒரு நீண்ட காலத்திற்கு, ஒரு தீவிரமான மற்றும் அமைதியான வழியில் கவனிப்பது.

நமது பரபரப்பான வாழ்க்கையில், நமக்கு முன்னால் இருக்கும் அடுத்த விஷயத்தில் மட்டுமே கவனம் செலுத்துவது இயல்பாக இருக்கலாம், ஆனால் திரும்பிப் பார்க்க நேரம் ஒதுக்குவதில் ஒரு வல்லமையும் அழகும் உள்ளது.

பவுல் எழுதுகிறார்:

கடைசியாக, சகோதரரே, உண்மையுள்ளவைகளெவைகளோ, ஒழுக்கமுள்ளவைகளெவைகளோ, நீதியுள்ளவைகளெவைகளோ, கற்புள்ளவைகளெவைகளோ, அன்புள்ளவைகளெவைகளோ, நற்கீர்த்தியுள்ளவைகளெவ.elements, புண்ணியம் எதுவோ, புகழ் எதுவோ அவைகளையே சிந்தித்துக்கொண்டிருங்கள். பிலிப்பியர் 4:8.

ஆனால், இதற்கு ஒரு அதிகாரம் முன்னால், அவர் எழுதியது :

"சகோதரரே, அதைப் பிடித்துக்கொண்டேனென்று நான் எண்ணிக்கொள்கிறதில்லை; ஒன்று செய்கிறேன், பின்னானவைகளை மறந்து, முன்னானவைகளை நாடி, கிறிஸ்து இயேசுவுக்குள் தேவன் அழைத்த பரம அழைப்பின் பந்தயப்பொருளுக்காக இலக்கை நோக்கித் தொடருகிறேன்." – பிலிப்பியர் 3:13-14

ஆகையால், நாம் சிந்திக்க வேண்டுமா அல்லது மறக்க வேண்டுமா? 🤔

இரண்டுமே!

நம்மைத் தடுத்து நிறுத்தும் நமது கடந்த காலத்தின் வலி, மனக்கசப்பு அல்லது தோல்விகள் போன்ற பகுதிகளை நாம் விட்டுவிட வேண்டும். அதற்குப் பதிலாக, நம் வாழ்க்கைக்கு அர்த்தம் சேர்க்கக்கூடிய பாடல்கள், செயல்வெற்றிகாணல்கள், நுண்ணறிவு, மற்றும் அர்த்தமுள்ள உறவுகள் போன்ற விஷயங்களை நாம் சிந்திக்க வேண்டும்.

இதன் அடிப்படையில்தான் நமது தியானிப்பின் முதல் சிந்தனை தேர்ந்தெடுக்கப்பட்டுள்ளது : இந்த ஆண்டின் எந்த எதிர்மறை அனுபவத்தை(அனுபவங்களை) நான் விட்டுவிட வேண்டும்?

உங்களுக்கு தேவையான அளவு நேரம் எடுத்துக்கொண்டு, இதை ஜெபத்தில் உங்களுக்கு வெளிப்படுத்தும்படி பரிசுத்த ஆவியானவரைக் கேளுங்கள். பின்னர் அந்த அனுபவங்களையும், அவற்றுடன் வரும் அனைத்து எதிர்மறை உணர்ச்சிகளையும் ஒப்புக்கொடுங்கள்.

ஆண்டவர் சொல்கிறார்:

முந்தினவைகளை நினைப்பதற்குத் தெரியலாம்; பூர்வமானவைகளைச் சிந்திக்கவேண்டாம். இதோ, நான் புதிய காரியத்தைச் செய்கிறேன்; இப்பொழுதே அது தோன்றும்; நீங்கள் அதை அறியீர்களா? நான் வனாந்தரத்திலே வழியையும், அவாந்தரவெளியிலே ஆறுகளையும் உண்டாக்குவேன். – ஏசாயா 43:18-19