நான்கு குற்றவாளிகளுக்கு இடையே உள்ள பொதுவான ஒற்றுமை என்ன?

நீங்கள் செய்யாத ஒரு காரியத்திற்காக எப்போதாவது தண்டிக்கப்பட்டிருக்கிறீர்களா? நீங்கள் சரியானதைச் செய்ய முயன்றுகொண்டிருந்த வேளையில், உங்களுடைய குணம் எப்போதாவது சேற்றில் இழுக்கப்பட்டு அடிக்கப்பட்டிருக்கிறதா? அது எனக்கு நடந்திருக்கிறது, அது நம்ப முடியாத அளவிற்கு வேதனை அளிப்பது என்று என்னால் உங்களுக்குச் சொல்ல முடியும்.

யோசேப்பு அந்த உணர்வை நன்றாகவே அறிந்திருந்தார். ஆதியாகமம் 39-ல் தான் செய்யாத ஒரு காரியத்திற்காக அவர் எப்படிச் சிறையில் அடைக்கப்படுகிறார் என்பதை நாம் வாசிக்கிறோம்.

சிறையில் இருக்கும்போது, யோசேப்பு பார்வோனின் சுயம்பாகி மற்றும் பானபாத்திரக்காரன் ஆகிய இரண்டு கைதிகளை சந்திக்கிறான். இருவரும் பார்வோனுக்கு குற்றஞ்செய்து, தங்களது குற்றங்களுக்காக தண்டனையை அனுபவிக்கச் சிறையில் இருந்தனர் (ஆதியாகமம் 40:1-2).

யோசேப்பின் சக கைதிகள் இருவருக்கும் சொப்பனங்கள் வருகின்றன, அதை யோசேப்பால் விவரிக்க முடிகிறது. பானபாத்திரக்காரனின் சொப்பனத்திற்கு மூன்று நாட்களில் அவன் மீண்டும் தன் பதவியில் அமர்த்தப்படுவான் என்றும், சுயம்பாகியின் சொப்பனத்திற்கு மூன்று நாட்களில் பார்வோன் அவனை மரத்திலே தூக்கிப்போடுவான் என்றும், கனவின் அர்த்தங்களை யோசேப்பு விவரித்தான். இரண்டு சொப்பனங்களும் யோசேப்பு தீர்க்கதரிசனமாக சொன்னபடியே நிறைவேறுகின்றன (ஆதியாகமம் 40).

இந்த முழு நிகழ்வுகளும் இயேசுவைச் சுட்டிக்காட்டுகின்றன, அவர் யோசேப்பைப் போலவே, நிரபராதியாக தண்டிக்கப்பட்டு, தமக்குத் தீர்ப்பு வழங்கப்பட்டபோது இரண்டு குற்றவாளிகளை எதிர்கொண்டார்.

இயேசு சிலுவையில் தமக்கு இருபுறமும் இரண்டு குற்றவாளிகளுக்கு இடையே சிலுவையில் அறையப்பட்டார். ஒருவன் இயேசுவை இகழ்ந்தான், மற்றொருவனோ அவருடைய இரக்கத்தைக் கெஞ்சினான். யோசேப்பு சுயம்பாகியிடமும் பானபாத்திரக்காரனிடமும் கூறியது போலவே, ஒரு குற்றவாளி இரட்சிக்கப்படுவான் என்றும், மற்றவன் ஆக்கினைக்குள்ளாகத் தீர்க்கப்படுவான் என்றும் இயேசு அறிவித்தார் (லூக்கா 23:39-43).

சுயம்பாகியையும் பானபாத்திரக்காரனையும் சந்தித்த பல ஆண்டுகளுக்குப் பிறகு, யோசேப்புக்கு பார்வோனின் சொப்பனங்களுக்கு அர்த்தம் கூறும் வாய்ப்பு கிடைக்கிறது, இது இறுதியில் அவன் சிறையிலிருந்து விடுதலையாகக் காரணமாயிருக்கிறது. அவனுடைய விளக்கம் மிகவும் துல்லியமாக இருந்ததால், பார்வோன் யோசேப்புக்கு சாப்நாத்பன்னேயா என்று பேரிட்டான், அதற்கு 'தேவன் பேசுகிறார்' என்று அர்த்தம் (ஆதியாகமம் 42). ஓரளவிற்கு மொழிபெயர்த்தால், அதற்கு 'தேவனுடைய வார்த்தை' என்று பொருள், வேறு யார் வார்த்தை என்று அழைக்கப்பட்டார் தெரியுமா? அது சரிதான்: இயேசு! (யோவான் 1:1)

இந்த எல்லா ஒப்புமைகளும் இயேசுவின் மரணம் தற்செயலானது அல்ல என்பதை நமக்கு நினைவூட்டுகின்றன. அவருடைய முழு வாழ்க்கையும் தலைமுறை தலைமுறையாகத் தொடரப்பட்ட கதைகளின் மூலம் முன்கூட்டியே அறிவிக்கப்பட்டது.

இது ஒரு அதிசயம் இல்லை என்றால், வேறு எது அவ்வாறு இருக்கும் என்று எனக்குத் தெரியவில்லை!