நெருக்கம் என்பது யோவானின் பலமாக இருந்தது. உங்களுடையதும் கூடவா? ❤️

உங்களுக்கு நெருக்கமான ஒருவர் இருக்கிறாரா? அதாவது உங்கள் துணைவியார்/துணைவர் அல்லாத, ஆனால் மிக மிக நெருக்கமான ஒருவர். எனக்கு இருக்கிறார். பல வருடங்களாக, எனது இசைக்குழுவின் (band) சில உறுப்பினர்களுடன் நான் மிகவும் நெருக்கமாகிவிட்டேன். நாங்கள் உலகெங்கும் பயணம் செய்து, இன்ப துன்பங்களைப் பகிர்ந்து, ஒன்றாக பலவற்றைக் கடந்து வந்திருக்கிறோம். என்னோடு சேர்ந்து இந்த வாழ்க்கையை அவர்கள் வாழ்ந்து வருவது எனக்கு மிகுந்த மகிழ்ச்சியையும், ஆறுதலையும், ஒரு பாக்கியத்தையும் தந்துள்ளது.

இது என்னை யோசிக்க வைக்கிறது: இயேசுவுக்கும் அப்படிப்பட்ட ஒரு நண்பர் இருந்தாரா? அப்படியிருந்தால், அவர் அதை ஒருபோதும் வெளிப்படையாகக் கூறவில்லை. ஆனால் வேறு ஒருவர், ஒரு விதத்தில் அதைக் குறிப்பிட்டிருக்கிறார்: அவர்தான் யோவான். இப்போது நாம் பேசுவது யோவான் ஸ்நானகனைப் பற்றி அல்ல, மாறாக சீஷரும், சுவிசேஷகரும், எழுத்தாளருமான யோவானைப் பற்றி. அல்லது, அவருடைய சொந்த வார்த்தைகளில் கூறுவதானால்: “...இயேசுவுக்கு அன்பானவனாயிருந்த...” (யோவான் 13:23).

உங்களைப் பற்றி நீங்களே இப்படிச் சொல்வது சாதாரண விஷயம் அல்ல, அல்லவா? ஆனாலும், இயேசு தன்னை இப்படித்தான் பார்த்தார் என்று யோவான் உறுதியாக நம்பினார். ஒருவேளை அவர் இயேசுவின் மிக நெருங்கிய நண்பராக இருந்திருக்கலாம். அல்லது, இயேசுவின் நண்பர்கள் எல்லாரிலும் அவர்தான் இயேசுவின் அன்பை மிக ஆழமாகப் புரிந்துகொண்டவராக இருக்கலாம். தி சோசன் (The Chosen) தொடரில், அவர்களது உறவுமுறை எவ்வாறு வளர்ந்து, யோவானை மெதுவாக மாற்றியமைக்கிறது என்பதை நாம் காண முடிகிறது.

இயேசுவின் அன்பு என்பது நீங்கள் பெற்றுக்கொள்வது மட்டுமல்லாமல், உங்களது ஒட்டுமொத்த அடையாளத்தையுமே வடிவமைக்கும் ஒன்றாக இருந்தால் எப்படி இருக்கும்?

அதுதான் யோவானுக்கு நடந்ததாகத் தெரிகிறது. அவர் தன்னைப்பற்றி ஏதாவது சொல்வதற்கோ அல்லது எதையாகிலும் சார்ந்து இருப்பதற்கோ இருந்தால், அது இதுதான்: இயேசு என்மேல் அன்பாக இருக்கிறார், நான் அவருக்கு நெருக்கமாக இருக்கிறேன். இந்த நெருக்கமே யோவானின் தனிச்சிறப்பாக மாறியது. இயேசுவிடம் நெருங்கி வந்ததன் மூலமும், அந்த நெருக்கத்தை உணர்ந்ததன் மூலமும், அவரோடு நெருங்கியே நிலைத்திருந்ததன் மூலமும், அவர் சரியாக அதாகவே மாறினார்: இயேசுவுக்கு அன்பானவனாயிருந்த சீஷன்.

நெருக்கமாக இருப்பதுதான் உங்களுடைய அன்பின் மொழியுமா? ஒருவேளை நீங்களும் கொஞ்சம் யோவானைப் போல இருக்கலாம். எங்களுடைய கேரக்டர் க்விஸ் (Character Quiz) விளையாடுவதன் மூலம் நீங்கள் அதைத் தெரிந்துகொள்ளலாம். இதன் முடிவு உங்களுக்குப் பிடிக்கும் என்று நான் மனதார நம்புகிறேன். ஆனால் எப்படியிருந்தாலும், நான் உங்களுக்கு ஒன்றை உறுதியாகக் கூற முடியும்: இது உங்களை இயேசுவிடம் இன்னும் நெருக்கமாகக் கொண்டு சேர்க்கக்கூடும்.