நான் பார்வையிட விரும்பும் சில பாலைவனங்கள் 🏜️

நீங்கள் எப்போதாவது வனாந்தரத்திற்குச் சென்றிருக்கிறீர்களா? 🏜️ ராஜஸ்தான், குஜராத் அல்லது லடாக்கில் உள்ள இந்தியாவின் அழகிய பாலைவனங்களை ஒரு நாள் பார்வையிட நான் விரும்புகிறேன். ஆனால் வனாந்தரம் என்னைச் சற்றே பயமுறுத்துகிறது என்பதையும் நான் ஒப்புக்கொள்ள வேண்டும். வெப்பம், தண்ணீர் இல்லாமை. இது ஒரு சுகமான பயணமாக இருக்காது, ஆனால் இது நிச்சயமாக ஒரு அழகிய பயணமாக இருக்கும்.

வேதாகமத்தில், பல வனாந்தரப் பயணங்களைப் பற்றியும் நாம் வாசிக்கிறோம்:

• ஆகார் தேவனைச் சந்திக்கும் வரை இஸ்மவேலுடன் வனாந்தரத்தில் அலைந்து திரிந்தாள் (ஆதியாகமம் 21:14-19).  
• எலியா 40 நாட்கள் வனாந்தரம் வழியாக ஓரேப் மலைக்குப் பயணம் செய்தார், அங்கே தேவன் அவருக்குத் தரிசனமானார் (1 இராஜாக்கள் 19:8-9).
• இஸ்ரவேலர்கள் எகிப்தை விட்டு வெளியேறிய பிறகு வாக்குப்பண்ணப்பட்ட தேசத்திற்குள் நுழைவதற்கு முன்பு 40 ஆண்டுகள் வனாந்தரத்தில் அலைந்து திரிந்தார்கள் (எண்ணாகமம் 14:20-35 https://www.bible.com/bible/339/NUM.14.20-35). 
• இயேசு தமது ஊழியத்தைத் தொடங்குவதற்கு முன்பு பிசாசினால் சோதிக்கப்படுவதற்காக ஆவியானவராலே வனாந்தரத்திற்கு அழைத்துச் செல்லப்பட்டார் (மத்தேயு 4:1). 

பெரிய விடுதலைகளுக்கு முன்பாக வனாந்தரப் பயணங்கள் அமைவதை மீண்டும் மீண்டும் காண்கிறோம். அது உற்சாகமாகத் தோன்றலாம், ஆனால் வனாந்தரம் என்பது பயமுறுத்துவது, சௌகரியமற்றது, தனிமையானது மற்றும் மிகவும் நீளமானது என்பதை நினைவில் வையுங்கள்.

தேவனுடனான நமது பயணத்தில், கிறிஸ்தவர்களாக நாம் எதிர்கொள்ள வேண்டிய ஆவிக்குரிய வனாந்தரங்களுக்கும் இதுவே உண்மை.

“உங்கள் ஆவிக்குரிய பயணம் வனாந்தரத்தின் வழியே செல்ல வேண்டும், இல்லையெனில் நம்முடைய குணமாகுதல் நம்முடைய சொந்த சித்தத்தினாலும் ஞானத்தினாலும் உண்டானதாக மட்டுமே தோன்றும். வனாந்தரத்தின் அமைதியில்தான் சத்தத்தின் மீதான நமது சார்ந்திருப்பைக் கேட்கிறோம்.” – டான் அலெண்டர் (The Healing Path புத்தகம்)

நீங்கள் ஆவிக்குரிய ரீதியில் வறண்ட, தனிமையான மற்றும் கடினமான காலத்தை எதிர்கொண்டுள்ளீர்கள் என்றால், ஒருவேளை தேவன் உங்களை "வனாந்தரத்திற்குள்" நுழைய அனுமதித்திருக்கலாம்.

கவலைப்பட வேண்டாம், வனாந்தரக் காலத்தில் எந்தத் தவறும் இல்லை. இது ஒரு கடினமான ஆனால் அழகிய பயணம், மறுபக்கத்தில் உங்களுக்கு ஒரு விடுதலை காத்திருக்கிறது!