என் வழிகாட்டிகள் அனைவருக்கும் பொதுவாக உள்ள விஷயம்
என் வாழ்க்கையில் சில அற்புதமான வாழிகாட்டிகளைத் தந்து தேவன் என்னை ஆசீர்வதித்துள்ளார். சிலர் ஒரு குறிப்பிட்ட காலத்திற்கு என்னோடு வந்தார்கள், சிலர் நிலையாகத் தங்கியுள்ளனர். ஆனால் அவர்கள் அனைவருக்கும் பொதுவாக உள்ள விஷயம் என்னவென்றால், அவர்களின் செல்வாக்கு என் வாழ்க்கையில் எவ்வளவு பெரிய மாற்றத்தை ஏற்படுத்தியது என்பதை அவர்கள் உணரவே இல்லை என்று நான் நினைக்கிறேன்.
நாம் கற்றுக்கொள்ளக்கூடிய மிகவும் ஊக்கமளிக்கும் உண்மைகளுள் ஒன்று என்னவென்றால், நமது தாக்கம் எப்போதும் உடனடியாக கண்ணுக்குத் தெரிவதில்லை. இன்று நாம் விதைக்கும் சில விதைகளின் கனிகளை நாம் காணவே முடியாது. ஆனால் அவை வளரவில்லை என்று அர்த்தமல்ல!
ஒரு (அறியப்படாத) ஞானி கூறியது போல, “இன்றைய மரத்தின் நிழல், எப்போதோ விதை விதைத்த ஒருவரிடமிருந்து கடனாகப் பெறப்பட்டது!”
நமது பார்வைக்கு அல்லது நமது ஆயுட்காலத்திற்கு அப்பாற்பட்ட இடத்தில் தேவன் கிரியை செய்கிறார்.
நமக்கு சிறியதாகத் தோன்றுவது நித்தியத்தில் முக்கியத்துவம் வாய்ந்ததாக இருக்கலாம். முக்கியமான விஷயம் என்னவென்றால், நாம் அந்த விதைகளைத் தொடர்ந்து விதைக்க வேண்டும். வேதாகமம் கூறுகிறது:
“நன்மைசெய்கிறதில் சோர்ந்துபோகாமல் இருப்போமாக; நாம் தளர்ந்துபோகாதிருந்தால் ஏற்றகாலத்தில் அறுப்போம்.” – கலாத்தியர் 6:9
உறுதியான நிலைத்தன்மை முக்கியம் என்பதை இந்த வசனம் நினைவூட்டுகிறது. தொடர்ந்து நன்மை செய்வது—கவனிக்கப்படாததாக உணர்ந்தாலும்—தேவனின் ஏற்ற காலத்தில் அறுவடைக்கு வழிவகுக்கும்.
நமது செயல்களின் முழுமையான விளைவை நாம் எப்போதும் காண்பதில்லை. ஒரு ஊக்கமளிக்கும் வார்த்தை, விசுவாசத்தோடு சொல்லப்படும் ஒரு ஜெபம், அன்பின் ஒரு தருணம்—இவை நாம் நினைத்துப் பார்ப்பதை விட அதிக தூரம் செல்லக்கூடும்!
நன்மை செய்வதில் சோர்ந்துபோகாதீர்கள்!
இன்று நாம் உண்மையுள்ளவர்களாக இருப்போம், நமது அறிவிற்கு அப்பாற்பட்ட வழிகளில் தேவன் நமது கீழ்ப்படிதலைப் பெருகப்பண்ணுகிறார் என்று நம்புவோம்.
ஒன்றாக ஜெபிப்போம்:
பரலோகப் பிதாவே, உடனடி பலன்களைக் காணாவிட்டாலும், நன்மை செய்வதில் உறுதியாக இருக்க எனக்கு உதவும். என் சகிப்புத்தன்மையைப் பலப்படுத்தி, நான் வைக்கும் ஒவ்வொரு விசுவாசமான அடியிலும் நீர் கிரியை செய்கிறீர் என்பதை எனக்கு நினைவூட்டும். நீர் குறித்து வைத்திருக்கும் நேரத்தையும் உமது செயல்பாடுகளையும் நம்ப எனக்குக் கற்றுத்தாரும். இயேசுவின் நாமத்தில், ஆமென்.
