ஒரு சிறப்பு அழைப்பிதழ் 💌

தேவன் என்னை ஆழமான காரியங்களுக்கு அழைப்பதை நான் உணரும் தருணங்கள் உண்டு—ஆனால் நான் எப்போதுமே ‘சரி’ என்று சொல்வதில்லை.

சில நேரங்களில் நான் அதை ஏற்றுக்கொள்வதில்லை. சில நேரங்களில் தாமதப்படுத்துகிறேன். சில நேரங்களில் மற்ற பொழுதுபோக்குகள் (பாடல்கள், வீடியோக்கள்) அல்லது சோர்வு ஆகியவற்றால் என் கவனத்தை சிதறடிக்கிறேன். ஆனால் நான் ஒன்றை கற்றுக் கொண்டிருக்கிறேன்: தேவனுடைய அழைப்புக்கு நான் ‘முடியாது’ என்று சொல்லும்போதெல்லாம், அவர் எனக்குக் காட்ட விரும்பிய ஒன்றை நான் இழந்து விடுகிறேன்.

எரேமியா 18ல், தேவன் எரேமியாவுக்கு வெறும் செய்தியை மட்டும் கொடுக்கவில்லை—அவர் அவருக்கு ஒரு அழைப்பைக் கொடுத்தார்: “குயவன் வீட்டிற்குப்போ.” எரேமியாவின் பதிலும் எளிமையாய் இருந்தது: அவர் சென்றார்.

கீழ்ப்படிதலும் வெளிப்பாடும் எப்போதும் இணைந்திருப்பதால் இந்தப் பதில் எனக்கு சவாலாக இருக்கிறது. நான் தேவனிடமிருந்து கேட்க விரும்பினால், அவர் பேசும்போது செயலுக்குள் இறங்க நான் தயாராக இருக்க வேண்டும். இந்த வல்லமையான வேதவசனத்தை வாசியுங்கள்:

“கர்த்தரால் எரேமியாவுக்கு உண்டான வசனம்: நீ எழுந்து, குயவன் வீட்டிற்குப்போ; அங்கே என் வார்த்தைகளை உனக்குத் தெரிவிப்பேன் என்றார். அப்படியே நான் குயவன் வீட்டிற்குப் போனேன்; இதோ, அவன் திரிகையினாலே வனைந்துகொண்டிருந்தான்.” – எரேமியா 18:1-3

தேவன் இன்று உங்களையும் அதே வழியில் அழைக்கிறார். ஒரு பௌதீக வீட்டிற்கு அல்ல, ஆனால் அவருடைய சமூகத்திற்கு, ஒரு உரையாடலுக்கு, மாற்றத்திற்கு.

நான் சிந்திக்க வேண்டிய கேள்வி இதுதான்: நான் இப்போது எங்கு தேவனை எதிர்க்கிறேன்? நான் ஏன் அவருடைய அழைப்பைத் தவிர்க்கிறேன்? அவருடைய அன்பான அழைப்புக்கு நான் “சரி” என்று சொன்னால் என்ன நடக்கும்?

இது உண்மை என்று நான் அறிவேன்—நான் ‘சரி’ என்று சொல்லும்போது, நான் எப்போதுமே வெறுங்கையுடன் திரும்புவதில்லை. நான் நிறைவோடு திரும்புகிறேன். ஓய்வு பெற்றவளாய். மாற்றப்பட்டவளாய்.

தேவனுக்கு ‘சரி’ என்று சொல்வது என்பது எல்லா பதில்களையும் பெற்றுக்கொள்வதைப் பற்றியதல்ல. அது எல்லாவற்றையும் அறிந்தவரை நம்புவதைப் பற்றியது. இன்று, எரேமியாவைப் போல பதிலளிப்பவராக நான் இருக்க விரும்புகிறேன்.

நீங்கள் எப்படி?

என்னிடம் ஒரு யோசனை இருக்கிறது. நாம் ஒன்றாகச் செல்வோம்!

அதற்காக நாம் ஜெபிப்போம்:

பரலோக பிதாவே, நீர் அழைக்கும்போது ‘சரி’ என்று சொல்ல எனக்குத் தைரியத்தைத் தாரும். என் வாழ்க்கையில் உள்ள அனைத்து கவனச்சிதறல்களுக்கும் மேலாக உமது சத்தைக் கேட்க எனக்கு உதவும். நீர் எனக்காக வைத்திருப்பதை நான் இழக்க விரும்பவில்லை. உமது சமூகத்திற்கு என்னை வழிநடத்தும். கீழ்ப்படிதலுடன் பதிலளிக்க என் இதயத்தை உருவாக்கும். இயேசுவின் நாமத்தில், ஆமென்.