உங்களை நீங்களே உருவாக்க முடியாது!

ஒரு அனுபவம் வாய்ந்த குயவன் களிமண் உருண்டையை ஒரு பாத்திரமாக சுழற்றுவதை நீங்கள் எப்போதாவது பார்த்திருக்கிறீர்களா? அதைப் பார்ப்பது ஆச்சரியமாக இருக்கிறது, ஆனால் செய்வது மிகவும் கடினம்! குயவனின் செயல்முறையை கற்றுக்கொள்வது ஆழமானது மற்றும் தேவனுடனான நமது உறவைப்பற்றி நிறைய வெளிப்படுத்துகிறது. தீர்க்கதரிசியான ஏசாயாவின் வார்த்தைகளில்:

“இப்பொழுதும் கர்த்தாவே, நீர் எங்களுடைய பிதா, நாங்கள் களிமண்; நீர் எங்களை உருவாக்குகிறவர், நாங்கள் அனைவரும் உமது கரத்தின் கிரியை.” – ஏசாயா 64:8

சக்கரத்தில் இருக்கும் குயவனின் சித்திரம், நாம் எளிதில் மறந்துவிடக்கூடிய ஒன்றை நமக்கு நன்றாக நினைவூட்டுகிறது—நாம் தற்செயலாக உருவானவர்கள் அல்ல. நாம் ஒரு விபத்து அல்ல. நாம் தற்செயலான நிகழ்வின் தயாரிப்பு அல்ல. நாம் ஒரு எஜமானரின் கைகளில் இருக்கிறோம்.

ஆண்டவர், சர்வவல்லவராய் இருப்பதால், அவருக்கு திட்டங்களும் காரணங்களும் உண்டு. அவரிடம் சிறந்த யோசனைகள் உண்டு.

களிமண் தன்னைத் தானே உருவாக்கிக்கொள்ள முடியாதது போல, அவரைத் தவிர்த்துவிட்டு நீங்கள் எதற்காகப் படைக்கப்பட்டீர்களோ அதுவாக உங்களால் மாற முடியாது.

நான் சொல்வதை நம்புங்கள், ஏனென்றால் நான் ஏற்கனவே முயன்று பார்த்திருக்கிறேன். நான் கட்டுப்பாட்டை எடுத்துக்கொண்டேன், என் சொந்த வாழ்க்கையை வரையறுக்க முயன்றேன், ஒவ்வொரு முறையும், சிதைந்த ஒரு நிலையில்தான் முடித்தேன். ஆனால், நான் அவருடைய கரங்களில் ஒப்புக்கொடுக்கும்போது, ​​எல்லாமே மாறுகிறது.

தாவீது இதை மற்றவர்களை விட நன்றாகப் புரிந்து வைத்திருந்தார். தேவனுடைய வடிவமைப்பைப் பற்றி அவர் இந்த அழகான அறிக்கையை எழுதினார்:

“நீர் என் உள்ளிந்திரியங்களைக் கைக்கொண்டிருக்கிறீர்; என் தாயின் கர்ப்பத்தில் என்னைக் காப்பாற்றினீர். நான் பிரமிக்கத்தக்க அதிசயமாய் உண்டாக்கப்பட்டபடியால், உம்மைத் துதிப்பேன்; உமது கிரியைகள் அதிசயமானவைகள், அது என் ஆத்துமாவுக்கு நன்றாய்த் தெரியும்.” – சங்கீதம் 139:13–14

இந்த வசனத்தின் அர்த்தம் என்னவென்றால், உங்கள் வாழ்க்கைக்கு மதிப்பு உண்டு—நீங்கள் எதை உற்பத்தி செய்கிறீர்கள் என்பதற்காக அல்ல, மாறாக உங்களை யார் உருவாக்குகிறார் என்பதனால்.

தேவனுடைய கரங்கள் கடினமானவை அல்ல. அவை கவனமானவை, நோக்கமானவை மற்றும் அன்பானவை. அவை அழுத்தத்தைப் பிரயோகைக்கலாம், ஆனால் அவை எப்போதும் “பாத்திரத்தின்” நன்மைக்காகவே இருக்கும். பாத்திரம் தன்னை ஒப்புக்கொடுக்கும்போது, ​​அது நெருப்பைத் தாங்குவது மட்டுமல்லாமல், இன்னும் அழகாக வெளியே வர முடியும்!

செயல்முறை உங்களுக்குப் புரியாதபோதும் கூட, நீங்கள் குயவனை நம்பலாம். ஏனென்றால் உங்களால் இன்னும் பார்க்க முடியாததை அவர் பார்க்கிறார், நீங்கள் என்னவாக மாறுகிறீர்கள என்பதை அவர் அறிந்திருக்கிறார்.

இன்று, இந்த உண்மையில் இளைப்பாறத் தேர்ந்தெடுங்கள்—நீங்கள் அவருடைய கைகளில் இருக்கிறீர்கள், நீங்கள் இருக்கக்கூடிய பாதுகாப்பான அல்லது சிறந்த இடம் வேறு எதுவும் இல்லை.